Një aksident, fatmirësisht pa të lënduar është shënuar në aksin Levan-Fier mbrëmjen e kësaj të shtune. Tre persona të cilët udhëtonin me një automjet tip “Toyota”, kanë përfunduar jashtë rruge. Mjeti me targa greke YKT 5006, për shkak edhe të reshjeve të shiut, ka dalë jashtë rruge.
Familja me tre anëtarë ishte kthyer nga Greqia. Mjeti pasi ka humbur kontrollin, ka përfunduar në kanalin anësor.
Policia dhe grupi hetimor ndodhen në vendin e ngjarjes, dhe po punojnë për zbardhjen e shkaqeve.
