Dy të mitur janë përplasur nga një makinë këtë të mërkurë në Kamëz. Për pasojë, kanë mbetur të plagosur.
Sipas njoftimit të policisë, të lënduarit identifikohen si A. M., 6 vjeç dhe L. M., 15 vjeçe.
Aksidenti është shënuar rreth orës 12:10, ndërsa bëhet me dije se automjeti me drejtues shtetasin S.Ç ka përplasur këmbësorët e mitur. “Si pasojë e përplasjes dy të miturit u dërguan në spital për ndihmë të specializuar mjekësore”, thuhet në njoftimin e policisë.
Policia ndodhet në vendngjarje, ku po vijon punën për të zbuluar shkaqet e aksidentit.
