Avokat Ngjela, e cilëson veçse si një komedi të gjithë daljet publike të Metës gjatë ditëve të fundit. Sipas tij, në këtë ngërç politik, në skenë ka dalë edhe kryedemokrati Basha.
Sipas tij, Meta kërkoi ndihmë nga Basha për të marrë armët, e ndërsa ky i fundit tallet me presidentin. Duke bërë një pasqyrim të situatës nga këto dy palë, avokati shkruan se Basha po tenton të rregullojë punët me Amerikën. E nga ana tjetër qëndron Meta, i cili kërkon luftë me Amerikën e BE.
Ngjela paralajmëron Metën: I ka ditët e numëruara, s’ka kush ta shpëtojë
Statusi
Komedia Meta vijon…
Meta sot kërkoi ndihmë nga Basha për të marrë armët.
Basha sigurisht që tallet me të, sepse situata e tyre është shumë e rëndë. Kurse Basha ka hallin e tij.
Basha mezi po i rregullon yneret e tij në Amerikë, kurse Meta kërkon luftë me Amerikën dhe Bashkimin Europian!!!
Basha e di mirë çdo të thotë kjo luftë, se e provoi me mbledhjen e molotovëve në protestën e fundit. Po Meta, a e di këtë?
Meta, në fakt, është në situatën kur nuk kupton dot asgjë. Kërcënon diplomatët, shpif, dhe me mendjelehtësi mendon se kanceleritë e mëdha perëndimore mund të “tremben”.
Dhe ka filluar të flasë për sovranitetin. Si Enver Hoxha, kur i rrezikohej karrigia. Por nuk ka asnjë shqiptar që ta përkrahe, me përjashtim të atyre që ka pranë dhe i paguan. Në fakt, është i trembur, dhe nën klithma frike po kërkon sovranitet për të garantuar pronat dhe paratë e tija.
Këtë sigurisht që e kuptojnë të gjithë shqiptarët, prandaj po e neverisin. Kurse Uashingtoni sigurisht që qesh me të, se e di madje edhe ku i ka depozitat e parave. Por, tani që Ilir Meta po bën si i çakallosur, a do ta denoncojë Uashingtoni që edhe shqiptarët t’i dinë bëmat e tij korruptive?
