Prej ditësh koronavirusi është futur në LSI, ndonëse Monika Kryemadhi nuk do që ta pranojë se ekziston një virus. Nënkryetari i LSI, Petrit Vasili, është infektuar me Covid-19 dhe ai prej disa ditësh është shtruar në një spital privat. Dalja e tij e fundit për mediat ka qënë në 28 tetor.
Ndryshe nga kreu i PD-së i cili është treguar mjaft i kujdesshëm në çdo dalje, duke u pajisur me maskë, nga ana tjetër kryetarja e LSI takon qytetarët pa maskë, e madje duke i dhënë duart në shenjë përshëndetje.
Duket se kërkesat e ekspertëve kanë shkuar në vesh të shurdhër, pasi Kryemadhi nuk do t’ia dijë për Covid-19. Ajo ka deklaruar më herët se ‘Covid-i nuk futet në LSI, edhe po e zuri nuk e gjen gjë se ka imunitet të fortë’. Por mesa duket nuk rezultoi kështu. Kjo deklaratë nuk kaloi pa u komentuar edhe nga kryeministri Edi Rama.
Prej javësh, LSI ka nisur një fushatë, duke iu kërkuar njerëzve të mos mbajnë as maskë dhe të mos respektojnë as udhëzimet e qeverisë.
Por për fat të keq, numri dy i kësaj partie është shtruar në spital, dhe pavarësisht trishtimit të infektimit të një njeriu, në rrjet ka nisur humori.
