Banorët e ‘Unazës së Re’ kanë dalë sërish në protestë. Protestuesit kanë hedhur bomba molotov në drejtim të rrugës, dhe nuk raportohet për të lënduar.
Ish-deputeti i PD, Ervin Salianji, tha se qëndresa e banorëve do të vazhdojë, ndërsa i bëri thirrje atyre që të ruajnë gjakftohtësinë. Po kështu ai dha edhe një paralajmërim për kryeminsitrin Rama, se arrestimet nuk e trembin, po kështu edhe banorët.
“Mos bini pre e bandave të krimit, ruani gjakftohtësinë. Është koha sot që ti vërtetojmë qeverisë që nuk na trembin arrestimet. Për çdo njeri që arreston, 1 mijë veta do të ngrihen”, tha Salianji.
“Nëse këtu do vazhdojë terrorizmi i qytetarëve, dhunimi i qytetarëve, i bindur të jesh ti se përgjigjja do të jetë e shpejtë. Nuk mund të pranojmë që të dhunohet qytetari”, tha ai.
