E martë, 27 Korrik, 2021
35.5 C
Tirana

Plas tek Juve, Buffon kundër Benatia. Është viti “zero trofe” për bardhezinjtë?

Në dhomat e zhveshjes së Juventusit ka plasur tensioni pas humbjes me Napolin në minutën e 90’ me golin e Koulibaly. Ka qenë pikërisht kapiteni i skuadrës, Gigi Buffon që pasi përshëndeti kundërshtarët në fundin e ndeshjes është drejtuar mjaft i revoltuar për në dhomat e ndeshjes dhe ka ngritur zërin. Juventus rrezikon që këtë vit ta mbyllë me zero trofe, pasi nëse humbet ose barazon me Interin në “San Siro” kampionati bëhet mision i vështirë. Por me këtë gjendje që p[o kalon ekipi ndoshta edhe në finalen e Kupës me Milanin mund të ketë një dështim.Një pjesë e lojtarëve nuk e kanë pritur mirë qëndrimin e kapitenit të tyre, më i revoltuar ka qenë mbrojtësi Benatia, i cili kishte përgjegjësi të mbulonte Koulibalyn gjatë asaj goditje këndi. Juventusi po përjeton një situatë të vështirë, që nisi me eliminimin nga Reali i Madridit në çerekfinale të Championsit, për të vijuar më pas me grumbullimin e vetëm katër pikëve në tre takimet e fundit në Serinë A.Por çfarë po ndodh me Juventusin? Duket se ekipi është përfshirë në një kolaps të vërtetë, me një Dybala që nuk duket gjëkundi në fushë dhe me një pjesë lojtarësh që janë drejt pensionimit. Ndërsa pjesa tjetër janë me mendje nga Botërori i Rusisë, pas eliminimit nga Championsi. Në dy ndeshjet e fundit bardhezinjtë janë të kënaqur me një pikë, pasi barazuan 1-1 me Crotonen dhe u mposhtën nga Napoli në minutat e fundit. Duket si fundi i një brezi tashmë të “vjetërsuar”.Pikërisht kjo situatë e ka shtyrë Buffonin të kërkojë llogari, pasi nuk ka ndërmend t’i thotë lamtumirë futbollit të luajtur duke i humbur trofetë njëri pas tjetrit. 40-vjeçari ka dashur ta shkundë dhe karikojë grupin para nisjes së përgatitjeve për një tjetër përballje shumë të rëndësishme me Interin në “San Siro”. Nuk është hera e parë që Buffon bën “të fortin” në momentet delikate, duke marrë menjëherë përgjigjen e duhur në fushë nga shokët e ekipit. Por kundër ekipit janë dhe tifozët që duket se janë ngopur me trofe në Itali dhe kërkojnë triumfin në Europë, ku ekipi dështoi edhe këtë sezon.

- Reklama -

Më shumë nga kategoria




Të fundit

Nostalgji futbolli/ Valdano: “Raùl mund të përmblidhet në dy koncepte…”

Jorge Valdano për Raul Gonzalez Blanco: "Një ditë para debutimit të tij, unë i bëra një pyetje për ta provuar, kështu i thashë: 'Po mendoj...

Vrau shokun e tij, Apeli ndryshon masën e sigurisë për Marjus Demën

Gjykata e Apelit ka ndryshuar masën e sigurisë për Marjus Demën, i cili vrau shokun e tij Mehmet Qamën, disa muaj më parë, në...

Merkato/ Atletiko do të shesë 3 lojtarë për Lautarton e Interit

Interi po ndërton sezonin e ri me Simone Inzaghin, me shpresën dhe qëllimin për të mos hequr dorë nga ndonjë lojtar tjetër i shkëlqyeshëm...

I shpëtoi aksionit të policisë, arrestohet drejtuesi i ”Benzit”

Policia ka bërë të mundur arrestimin e shoferit të automjetit tip ''Benz'', i cili nuk iu bind urdhrin të efektivëve për t'u ndaluar, pasi...

Pesë të zhdukur, 16 të plagosur në shpërthimin e fabrikës kimike gjermane

Një shpërthim në një fabrikë kimike në qytetin perëndimor gjerman të Leverkusenit, të martën në mëngjes, shkaktoi një zjarr në një depozitë që përmbante...