Mjeku Petrit Vargu ka denoncuar me anë të një postimi në rrjetet sociale, se një mjek dhe dy infermierë janë pozitiv me COVID-19 në urgjencën e QSUT-së. Ai shprehet i shqetësuar, pasi Ministria e Shëndetësisë nuk bën tamponë dhe po kështu po fshehin rastet.
“Skandal! Një mjek dhe dy infermiere janë pozitiv me Covid në urgjencën e QSUT-së. Ministria e Shëndetësisë nuk bën tampone për personelin dhe fsheh rastet. SPAK ku është ?Po vidhen jetët e njerëzve!”, shkruan në postim mjeku Vargu.
Sot është dita me numrin më të lartë të rasteve të reja. Në 24 orët e fundit janë kryer 311 testime, nga të cilat janë konfirmuar 42 raste positive.
Rastet e konfirmuara janë kontakte të rasteve pozitive, por edhe shume raste të reja që janë në hetim në Durrës, Berat, Pukë, Shkodër.
Në 24 orët e fundit janë testuar dhe ritestuar 80 personel shëndetësor, ku kanë rezultuar të prekur 5 personel.
