Shumë persona kërkojnë të dinë në lidhje me atë se çfarë diskutohet nga afër midis dy politikanëve, kur çështja për të cilën flasin është sa e nxehtë aq dhe interesa të ndryshe. Kryeministri Rama në Report Tv ka sqaruar se çfarë i ka thënë vetë Aleksandër Vuçiç në lidhje me Kosovën dhe nëse ka patur një kërkesë për shkëmbim apo ndarje të territorit.
Kreu i ekzekutivit në lidhje me këtë çështje mohoi të ketë qenë ndonjë kërkesë kjo nga Vuçiç, ndërsa shtoi se ai ka një dëshirë për një zgjidhje përfundimtare me Kosovën, por për sipas tij, kjo është një pikë ku ende nuk mund të ketë një zgjidhje finale.
Rama la të kuptohet se këto çështje nuk mund të zgjidhen me “shpatë”, por duhet një qasje gjithëpërfshirëse.
Ju jeni takuar shpesh me Vuçiç, në bisedimet për Kosovë, ka kërkuar ndarjen e saj ose shkëmbimin e territoreve?
“Presidenti i Serbisë e dëshiron realisht një zgjidhje përfundimtare dhe po ashtu përshtypja ime është se ende nuk i qaset zgjidhjes përfundimtare me një vendimmarrje përfundimtare për ta këputur me shpatë. Dëshirën dhe vullnetin e ka, por ende është në një pikë ku nuk ka zgjidhje përfundimtare”, tha Rama.
