Një 24 vjeçar ka mbetur i plagosur në Shëngjin. Ngjarja ndodhi pas mesnate në shëtitoren e Shëngjinit, në periudhën kur të gjithë pushuesit ndodheshin jashtë.
Burime zyrtare nga polica bëjnë me dije se 24-vjeçari Markelian Pepa, banues në Lezhë është dërguar në Spitalin e Traumës, ku po merr ndihmën mjekësore. Fillimisht Pepa dhe personat me të cilët është konfliktuar janë zënë në bregdet, e më pas sherri ka vijuar deri te shëtitorja, aty ku dhe ai është goditur me thikë. Markelian Pepa mësohet se është një person problematik.
Menjëherë pas kësaj ngjarje, forcat e policisë kanë mbërritur në vendngjarje dhe kanë bërë shoqërimin e disa personave që mund të kenë dijeni për situatën, ndërsa janë sekuestruar edhe disa kamera sigurie.
Grupi hetimor dhe shërbimet e policisë ndodhen në vendngjarje, dhe po punojnë për sqarimin e rrethanave të ngjarjes si dhe identifikimin dhe kapjen e autorëve.
