Mesnatën e kaluar, një plagosje ka ndodhur në një lokal në Pogradec. Autori i ngjarjes, Spartak Çela, ka hyrë në lokal në gjendje të dehur dhe ka qëlluar me armë zjarri, ku për pasojë ka mbetur i plagosur shtetasi Bledi Shahini.
Brenda ambienteve të lokalit kanë qenë të pranishëm edhe 4-5 bashkëfshatarë të tjerë bashkë me personin që ka mbetur i plagosur, raporton “BalkanWeb”.
Ende nuk dihen arsyet e këtij konflikti, që kanë çuar në përdorimin e armëve. Burime nga policia bëjnë të ditur se Spartak Çela ka qenë i dehur kur ka shtënë me armë.
