Të shumta janë detajet që janë mësuar mbi mbytjen e Enisa Dodës, në plazhin e Velipojës. Por fatkeqësisht kjo ngjarje e rëndë vijon të jetë e pazbardhur.
Pronarët e motorit të ujit kanë dyshuar se Indrit Bajraktari po fshihte diçka, dhe nuk e kanë lejuar që të largohet deri në ardhjen e policisë. Për ta neutralizuar, njëri prej tyre e ka qëlluar edhe me grusht që të mos ikte, bën me dije “dosja.al”. Policia ka bërë arrestimin e tij, ndërsa ai akuzohet për “shkaktim i vetëvrasjes”, “moskallëzim krimi” dhe “veprime që pengojnë zbardhjen e së vërtetës”.
17-vjeçarja kishte shkuar me pushime në Velipojë me familjen e saj. Së bashku me Indrit Bajraktarin, kanë marrë një motor uji me qira rreth orës 14:00, por vajza nuk është kthyer më në breg.
25-vjeçari ndodhet në paraburgim, ndërsa një ditë më parë është pyetur nga hetuesit për rrethanat e ngjarjes.
Bajraktari pretendon se vajza ka rrëshqitur nga motori i ujit dhe është mbytur në det. Përveç kësaj ai ka dëshmuar në fillim se vajzën e ka marrë xhaxhai kur kanë dalë në breg, diçka që është hedhur poshtë nga hetimet.