Kryetari i Partisë Demokratike, Lulzim Basha ka mbërritur në qytetin e Kavajës pas plagosjes me armë zjarri të aktivistit të PD, brenda zyrës elektorale.
Basha ka akuzuar kryeministrin Edi Rama për ngjarjen, duke u shprehur se ky ishte një atentat nga ai pasi e di se të dielën do të humbasë zgjedhjet.
Basha u kërkoi qytetarëve që ta ndëshkojnë Ramën me votë në zgjedhjet e së dielës, më 25 prill.
Lulzim Basha: “Sonte Kavaja është përballur me një ngjarje të rëndë, një atentat kundër PD-së, kundër aleancës për Ndryshim, nga një kryeministër që e di se të dielën ai humb dhe Shqipëria fiton. Një njeri që ka humbur çdo lloj kufiri njerëzor dhe që sot hesht, opor njerëzit e tij me dhunën dhe aktet ndaj demokracisë tregojnë se këtij regjimi i ka ardhur fundi.
Kërkojnë të frikësojnë Kavajën, kërkojnë të na mbyllin gojën. Nuk na i kanë mbyllur gojën kurrë, nuk i kemi frikë. Kavaja e di mirë se të tilla akte kanë shënuar kthesa të mëdha, rrëzimin e diktatirave. Ato tregojnë frikën në palcë dhe humbjen e toruas nga një njeri dhe një grusht njerëzish. Le t’ja japim përgjigjen këtij akti byurracak, të gjithë masivisht ditën e dielë në kutitë e votimit. T’i japim fund njëherë e mirë këtij 8-vjeçari makth për shumicën e shqiptarëve”.
