Mbrëmjen e djeshme, në rrugën “Njazi Meka”, në zonën e njohur si Allias në Tiranë, çifti Petrit dhe Afërdita Laze u plagosën nga dy persona teksa ndodheshin brenda banesës së tyre. Autorët hynë në banesë për ti grabitur. Bëhet me dije se çifti i bashkëshortëve janë pronarë të një furre buke në Allias, e një tjetre në Astir. Prindër të dy fëmijëve, ata tentuan të mbronin pronën e tyre nga grabitësit, por në momentin që i kanë pikasur, janë përleshur dhe grabitësit i qëlluan me armë zjarri.
Në momentin kur ka ndodhur ngjarja, vajza e tyre 17-vjeçe, Dejzi Laze gjendej brenda banesës. Ajo është marrë në pyetje nga policia, por ende nuk është zbardhur dëshmia e saj.
Dyshohet se autorët kanë pasur informata se brenda banesës ka sasi të konsiderueshme parash. Pasi kanë hyrë në banesë, ata kanë kthyer gjithçka përmbys dhe madje janë përleshur edhe me çiftin.
Gjithashtu bëhet e ditur se grabitësit janë ndihmuar dhe nga një person i tretë. Nga ana e policisë janë shoqëruar 15 persona në cilësinë e dëshmitarit.