Një 46-vjeçar ka rënë në prangat e policisë, pasi akuzohet se ka shkelur rregullat në punë.
Sipas njoftimit të policisë, ditën e djeshme, 46-vjeçari, në kohën që po manovronte vinçin në një pallat në ndërtim, me një pompë për ngjitjen e betonit në lartësi, ka shkelur rregullat e mbrojtjes në punë, duke shkaktuar plagosjen e shtetasit P. D, 49-vjeç.
I arrestuar identifikohet me inicialet B.K., banues në Durrës, ndërsa personi që mbeti i plagosur ndodhet i shtruar në spitalin e Traumës në kryeqyteti jashtë rrezikut për jetën.
Materialet u referuan në Prokurorinë pranë Gjykatës së Shkallës së Parë Durrës.
