E hënë, 6 Dhjetor, 2021
9.5 C
Tirana

Plagosja e Edison Begajt, ja sa herë dhe pse është arrestuar vlonjati

Edison Begaj është një emër i njohur për subjektet e ligjit në Shqipëri. Burime të “Tirana Today” bëjnë të ditur se, Begaj ka qenë objekt i Operacionit Forca e Ligjit, të cilit i është dërguar formulari për deklarimin e pasurisë, ndërkohë që  më 20 shkurt të vitit 2008 ai ka rënë në pranga nga “blutë” e Vlorës si pjesë e një grupi që u akuzua  për trafikim droge nga Shqipëria në drejtim të Italisë. Begaj u arrestua bashkë me 6 persona të tjerë.

Pas këtij arrestimi për trafikim lëndësh narkotike, dy vite më vonë, në shkurt të vitit 2010, Gjykata e Apelit të Krimeve të Rënda Tiranë e ka dënuar me 7 vite e 6 muaj burgim, për veprat penale “Prodhimi dhe shitja e narkotikëve” dhe “Prodhimi dhe mbajtja pa leje e municioneve luftarake”.

Ndërkaq, edhe në vitin 2015 Begaj u kap me 50 kg lëndë narkotike të llojit marijuanë “çokollatë”, në vendin e emërtuar “Qafa e Kuzum Babasë”.

Plagosja në këmbë “një mesazh”?

Burime nga policia dhe Spitali i vlorës kanë bërë të ditur se Begaj është qëlluar pesë herë, katër nga të cilat e kanë prekur në këmbë. Ai u qëllua në mesnatë në hyrje të banesës së tij duke mbetur i plagosur. Policia beson se, goditja në këmbë dhe jo në pjesët e tjera të trupit “është nje mesazh” për Begajn nga njerëz të përfshirë në konflikte. Autorët e kanë pritur 38-vjeçarin derisa të kthehej në banesën e tij për t’a qëlluar me pistoletë. Nga të dhënat e para mësohet se, personi që e ka qëlluar ka qenë i vetëm dhe është larguar në këmbë, për të hipur më pas në një makinë që ka qenë disa metra më tutje, dhe e ka larguar nga vendngjarja.

Plagosja e Edison Begajt ka shtuar edhe më shumë frikën në Vlorë, ku vetëm në javët e fundit janë ekzekutuar Bledar Birçaj dhe Delon Troqe në atentate mafioze, ku autorët nuk kanë arritur të identifikohen, pasi makinat janë djegur dhe vrasësit kanë qenë të maskuar./Tirana Today 

- Reklama -

Më shumë nga kategoria




Të fundit

S’ka më sekrete/ Ja kur do të mbahet Festivali i 60-të i Këngës në RTSH

Edicioni i 60-të i Festivalit të Këngës në Radio Televizionin Shqiptar do të përfcillet LIVE për publikun shqiptar në mbrëmjet e 27,28 dhe 29...

Ekzekutimi i ish-deputetit, bashkëshortja nxjerr emrat dhe ndryshon dëshminë

Natalina Ujka, bashkëshortja e biznesmenit shkodran Pashko Ujka, ka treguar për grupin hetimor se personat me të cilët bashkëshorti i saj ka pasur konflikte...

Misteret e pazgjidhura të Luftës së Dytë Botërore

Ne të gjithë i duam misteret, dhe Lufta e Dytë Botërore siguroi shumë të tilla. Shkalla e madhe e luftimeve dhe e taktikave të tokës së djegur, solli...

Ish-banori i “Big Brother”: Donaldi nuk është fitues, mes çiftit s’ka dashuri

Ish-banori i “Big Brother”, Adi Pojana, teksa ishte i ftuar në studion e “Shqipëria Live”, ka komentuar lidhjen e shumëpërfolur mes Donaldit dhe Beatrix. Për...

“Shkelje financiare”, arrestohet presidenti i klubit italian

Presidenti i një prej klubeve të Serisë A është vënë në pranga, për shkelje financiare mes të cilave edhe deklarimin e falimentit të kompanive...