Gazetarja Klodiana Lala mbrëmjen e sotme në emisionin “Real Story” komentoi atentatin ndaj Ardjan Çapjas.
Ajo deklaroi se gjendja e tij shëndetësore aktualisht është kritike.
Teksa foli për ngjarjen që ndodhi në mëngjes në Elbasan, ku Ardian Çapja u qëllua me plumb në shpatullën e majtë, shumë pranë zemrës, gazetarja theksoi se dëshmitar i vetëm ishte një 8-vjeçar.
Sipas dëshmisë së 8-vjeçarit, personat kanë qenë të veshur me rroba të zeza, me kapuç dhe pistoletë.
“Personat e kanë ruajtur Çapjan. Është qëlluar në shpatullën e majtë më pas e ka marrë nipi i tij. Rrugica që të shpinte tek banesat e tyre kontrollohej me derë me pult, rrugica tjetër me derë të blinduar.
I gjithë servisi ishte i populluar nga njerëz të Çapjas. Autorët nuk kanë ndjekur trajektoren tradicionale të rrugës.
Në momentin që kanë dalë nga rrugica i ka parë një djalë i vogël tek varrezat. Kanë qenë të veshur me rroba të zeza me kapuç dhe pistoletë. Se sa e besueshme mund të jetë djali i vogël pritet të merret sërish në pyetje.
Dëshmitari 8-vjeçar thotë se nuk kanë ikur në rrugën tradicionale, por në anën e kundërt. Vetëm një banesë e vetme në ‘Fushë Mbret’ ka pas kamera, është fiksuar një makinë e zezë, ajo i ka marrë autorët. Asnjë nga kamerat e tjera të sigurisë në drejtim të Peqinit apo Gramshit nuk jep rezultate për lëvizjen e këtij mjeti. Kjo tregon se autorët mund të jenë brenda në zonë”, u shpreh Lala.
