Komisioni i Pavarur i Kualifikimit (KPK), ka shkarkuar nga detyra Etleva Temo, gjyqtare e Apelit të Korçës.
Temo kishte probleme me disa prej pasurive të saj, të cilat duket se nuk i justifikonte dot. Ndërkohë, probleme u shfaqën edhe me konfliktin e interesit, pasi dyshohet se ka patur kontakte me disa persona që ajo ka gjykuar.
Temo ka qenë pjesë e trupës gjykuese në të cilën u procedua dhe gjyqtarja Mimoza Margjeka, e cila tashmë ndodhet nën masën e arrestit të shtëpisë, pasi dyshohet se ka marrë 6 mijë euro nga një i pandehur.
Për Etleva Temon SPAK nuk ka arritur të siguroj prova nëse ka qenë ose jo e përfshirë në përfitime të kundraligjshme.
