Lulzim Basha një ditë më parë ka hedhur akuza të forta në drejtim të dy deputeteve socialiste, Elisa Spiropalit dhe Blerina Gjylametit. Kreu i PD-së u shpreh se: “Zonja Gjylameti do të ishte së bashku me zonjën Spiropali dhe zonja të tjera, ndër të pandehurit kryesorë, sepse vetë zonja Gjylameti është pjesë e dosjes 184, ndërkohë që zonja Spiropali duket se është pjesë e dosjes së hetimit të Xibrakës”.
Po nuk ka vonuar dhe këtyre akuzave iu është përgjigjur ministrja Spiropali, e cila u shpreh se Basha është vetëm një kloun që gajas dynjanë.
“Dje Basha më përmendi emrin mua, Gjylametin dhe pastaj shtoi retorikë po të pa mend edhe gratë e tjera se nuk di edhe të flasë, na vendosi edhe dosje në krah. Ky është kloun që gajas dynjanë. Tani do të merret edhe me gratë të gjitha me radhë. I them se ne kemi po aq lidhje me krimin sa ka ai me të qenit lider”, tha ajo në Kuvend.
Zonja Spiropali iu përgjigj dhe akuzave të Rudina Hajdarit, se mes Ramës dhe Bashës ka një marrëveshje në kurriz të shqiptarëve.
“Të jeni të sigurt ju dhe aleatët tuaj që nuk kemi ndërmend që të bëjmë asnjë marrëveshje me Bashën, Kryemadhin dhe bishta të tjerë që i kanë dalë përpara Shqipërisë dhe duan ta rrëzojnë”.
