15 raste të reja në 24 orët e fundit, ishte shifra e raportuar një ditë më parë nga Ministria e Shëndetësisë. Mjeku infeksionist Pëllumb Pipero ka zbuluar për të gjithë shqiptarët se nga mesi i muajit maj, mund të ketë vetëm raste sporadike. Ai bazohet te treguesit e kurbës së infeksionit nga koronavirusi.
“Unë mendoj që indikator shumë i rëndësishëm i pandemisë së koronavirusit në vendin tonë është graviteti i saj. Dhe graviteti matet me numrat e pacientëve të shtruar në spital. Me ecurinë e sëmundjes, me numrin e pacientëve të shëruar.
Në opinionin tim, do vazhdojë të ulet numri i rasteve dhe besoj që gjysma e majit do na gjejë me raste sporadike”, ka deklaruar Pipero.
