Sot nis viti i ri shkollor 2020-2021. Në gjithë Shqipërinë hapen zyrtarisht shkollat, ku për shkak të situatës së pandemisë së koronavirusit, do të ndiqen rregulla strikte të përcaktuara nga organet shëndetësore.
Marrë shkas nga kjo situatë, kryeministri Rama iu uron gjithë nxënësve shëndet, e më pas suksese në mësime.
Kreu i qeverisë e ka nisur ditën me një urim për të gjithë nxënësit që ulen në bankat e shkollës.
Statusi
“MIRËMËNGJES
duke ju uruar nxënësve e mësuesve një vit të mbarë shkollor, pikësëpari me shëndet dhe patjetër edhe me rezultate sa më të mira”.
https://www.facebook.com/edirama.al/posts/10158147223076523
Ndryshe nga vitet e tjera, ky vit shkollor do të zhvillohet për disa shkolla me 2, 3 apo dhe 4 turne, në mënyrë të tillë që fluksi i nxënësve të jetë më i vogël në klasa.
Në 1100 shkolla, orët mësimore do të zhvillohen me një turn, 480 shkolla do të jenë më një turn të ndarë në dy nënturne dhe 180 shkolla do të jenë më dy turne të ndarë në katër nënturne.
Në banka do lejohet që të ulet vetëm një nxënës, i cili do të jetë i pajisur me maskë dhe dezinfektant.
