Sekretari për mediat në Partinë Socialiste, Alfred Peza u shpreh se ndikimi rus është ngritur si pikë shqetësuese në të gjithë rajonin e Ballkanit.
I ftuar në emisionin “Open”, Peza tha mes të tjerash se shtyrja sa më gjatë e negociatave shton mundësinë e influencës ruse në Shqipëri.
“Në të gjitha kancelaritë e vendeve të Bashkimit Evropian dhe Shtetet e Bashkuara të Amerikës është ngritur si pikë shqetësuese ndikimi rus në vendet e Evropës përfshirë këtu edhe Shqipërinë.
Ka një mundësi që të lartë që në situatën gjeopolitike që ndodhet Ballkani të ketë një ndikim rus. Pastaj të kujtojmë që edhe lideri i Partisë Demokratike akuzohet se ka lobuar me para të Rusisë. Mos-hapja e negociatave rrit mundësinë e ndikimit rus në Shqipëri”, deklaroi Peza.
Nga ana tjetër, sipas analistit Andi Bushati, rreziku rus po fryhet dhe është thjesht propagandë e shumicës.
