Kreu i grupit parlamentar të LSI-së, Petrit Vasili ka dalë në një konferencë për mediet, ku ka hedhur akuza të rënda ndaj qeverisë, e cila sipas tij është një grup i strukturuar kriminal.
Sipas Vasilit, qeveria është përfituese e drejtpërdrejt nga veprimtaritë kriminale, gjë që është në dëm të 80% shqiptarëve, shtoi Vasili.
FJALA E VASILIT:
Grupi parlamentar i LSI mori në shqyrtim gjithë problematikën shumë të rëndë politike të javëve të fundit dhe rikonfirmoi të njëjtën qëndrim politik të palëkundur që mbajti të mërkurën në parlament. Është e qartë se barriera e pakapërcyeshme e ngritur nga qeveria për të ndaluar drejtësinë që të bëjë rrugën e saj dhe për të zbardhur të vërteta tronditëse, që shqetësojnë shoqërinë dhe sigurinë e vendit, dhe konkludoi se ky është një qëndrim i një qeverie që vepron si një grup i strukturuar kriminal, jo vetëm në mbështetje të trafiqeve, por edhe pjesë e drejtimit, organizimit dhe përfitimit të tyre.
Në funksion të kësaj situate, është edhe pengesa e krijuar në Komisionin e Sigurisë për të zbardhur të vërteta tronditëse që lidhen me funksionimin e radarëve, ka qenë skandaloze që këta instrumenta kanë qenë nën kontroll të narkotrafikantëve. Kjo situatë e kriminalizuar thellësisht drejtohet gjerësisht nga qeveria.
Kjo situatë e kriminalizuar drejtohet dhe mbështetet nga qeveria, që ky narkotrafik të vazhdojë të lulëzojë dhe terrorizojë vendin. Në këtë koncept të ndarjes së tortës është edhe buxheti, ku rezulton se është një situatë që i ngjan të ardhurave të narkotrafikut pasi flitet për 1,4 miliard dollarë koncesione, por pa asnjë transparence të trafikantëve që e financuan atë.