Pas përjashtimit të Fatos Tushes nga PS, një reagim i menjëhershëm ka ardhur nga kryedemokrati Basha. Me anë të një postimi në Facebook, kreu i PD-së Basha shprehet se Rama mund të lajë duart me një kryebashkiak apo të bëjë koka turku, por shqiptarët e dinë mirë se peshku qelbet nga koka.
Statusi
Mund të lash duart me një kryebashkiak të korruptuar apo të bësh koka turku bedelët e tu në atë sallë, por shqiptarët e dinë mirë se PESHKU QELBET NGA KOKA!
Rama përjashtoi ish-kryebashkiakun e Lushnjes, Fatos Tushe nga Partia Socialiste, i shkarkuar nga detyra pak ditë më parë pas akuzave të SPAK për korrupsion. Kreu i qeverisë tha se Tushe përpara drejtësisë do të dalë i vetëm. Ai shtoi më tej se shkarkimi dhe përjashtimi i tij janë masa që mund të rishikohen vetëm nëse në fund të procesit, rezulton i pafajshëm nga akuzat e ngritura ndaj tij.
