Çelsi do të bëjë një goditje të madhe duke nënshkruar me Armando Brojën (qendër sulmues, 19 vjeçar) një kontratë afatgjatë, deri në vitin 2026!
Talenti shqiptar u huazua vitin e kaluar nga blutë e Londrës te Vitesse Arnhem ku lojtari shënoi 10 gola në 30 ndeshje.
Ai pritet të bashkohet me ekipin e parë të Çelsit gjatë para sezonit. -Fabrizio Romano
Ky ishte njoftimi më i fundit qe ka ardhur nga “gazetari i merkatos” Fabrizio Romano. Romano njihet për daljen në skenë sa herë ka hapsira transferimi dhe jo rrallë herë ka qëlluar në shenjë madje deri tek transferimet më të bujshme (po aq herë ka dështuar).
Kësaj rradhe Romano ka çuar vëmëndjen tek talenti shqiptar Armando Broja. Broja është lojtar i Çelsit që vitin e kaluar ishte i huazuar tek Vitese në Holandë dhe bëri një sezon të mirë, që mund t’i mundësojë kthimin tek Çelsi këtë sezon. Me kampionët e Europës këtë vit, nën drejtimin e Tomas Tuhelit, Broja mund të gjejë minuta në Champions dhe në Premier që do të ishin domethënëse për Brojën dhe një ndihmë e madhe për Kombëtaren Shqiptare që ka përpara sfidat delikate në grupin e kualifikueseve për botërorin Katar 2022. /Tirana Today