Avokati i njohur, Spartak Ngjela i uron ditëlindjen presidentit të 42-të të SHBA-së, teksa e konsideron atë si mik të madh të popullit shqiptar.
Përmes një postimi në Facebook, Ngjela shprehet se ai është shpëtimtar i dyfishtë i shqiptarëve. Sipas tij, ai ka ndihmuar shqiptarët në vitin 1997, pas manipulimit të zgjedhjeve nga Sali Berisha, si edhe në vitin 1999 me çlirimin e Kosovës.
Postimi i plotë:
Sot është 73 vjetori i presidentit të 42-të të Shteteve të Bashkuara të Amerikës, Bill Klinton.
Mik i madh i popullit shqiptar.
Shpëtimtar i dyfishtë i shqiptarëve: në vitin 1997, me shkatërrimin e tiranisë që po vendoste Sali Berisha dhe grupi i tij, pas manipulimit të zgjedhjeve të vitit 1996; dhe, në vitin 1999, me çlirimin e Kosovës.
Sigurisht që, me çlirimin e Kosovës, Bill Klintoni ka hyrë tanimë me lavd të veçantë në historinë e Shqipërisë.
Politikë e madhe, humanizëm i madh dhe rivlerësim i Arbërisë dhe shqiptarizmit – kjo është vepra që, në vitin 1999, i dhuroi shqiptarëve presidenti i madh i Amerikës.
Ne i urojmë sot Bill Klintonit një jetë të gjatë dhe të prajshme, gjithmonë me gëzimin dhe me lavdinë e një njeriu të madh në vazhdim…
