Në Greqi duket sikur është përsëritur historia e Carolinës, e cila u vra nga bashkëshorti i saj në sy të foshnjes 11 muajshe. Mediat greke raportojnë për një tjetër rast të ngjashëm, ku është gjetur pa shenja jete një femër, e ndërsa në kërkim është shpallur shoku i saj. Është mbështjellë me mister vdekja e një 26-vjeçareje në Folegandros të Greqisë, trupi i pajetë i së cilës u nxorr nga deti mbrëmjen e djeshme.
Ajo kishte shkuar në zonën ku u gjet e vdekur për pushime me shokun e saj, i cili po ashtu rezulton të jetë i zhdukur. Ekspertët nuk kanë zbuluar shenja dhune në trupin e vajzës së gjetur, duke minimizuar mundësinë e një vrasjeje, megjithatë hetimet vazhdojnë.
Familjet e dy të rinjve janë në gjendje shoku
Sipas informacioneve, vajza fatkeqe ishte në ishull duke bërë një pushim të shkurtër në një kamping me mikun e saj të ri, të cilin familja e tij po kërkon. Të dy familjet janë në gjendje shoku, ndërsa i gjithë ishulli është mobilizuar për të gjetur të riun. Dëshmitarët okularë panë vajzën e re të dilte nga makina, të merrte një çantë shpine nga bagazhi dhe të zbriste në zonën shkëmbore.
E ndjera ishte parë më herët duke drejtuar një makinë me targa greke – jo me qira – në një rrugë shumë të përpjetë. Makina, për një arsye të panjohur, devijoi nga rruga e saj dhe u ndal nga rruga, në një vend shkëmbor. Pastaj 26 vjeçarja nga Velo, Korinth, doli nga vendi i shoferit, mori një çantë shpine nga bagazhi, e vuri në shpinë dhe filloi të ecte.
Burimi i lajmit: protothema. Përshtatur nga Tirana Today
