E mërkurë, 28 Korrik, 2021
22.5 C
Tirana

Mark Marku: PD ka nevojë për rithemelim

Deputeti i zgjedhur, Mark Marku, ka mbajtur një fjalim të ashpër e tejet kritik gjatë mbledhjes së Kuvendit Kombëtar të Partisë Demokratike. Mjaft i drejtëpërdrejtë, ai ka kritikuar aksionin dhe analizën zgjedhore të PD-së.

Mark Marku ka deklaruar se PD-ja është në një pikë kritike të saj, dhe sipas tij, me këto ritme, Partia Demokratike rrezikon që të mbetet sërish në opozitë. Drejtuesi politik i Partisë Demokratike në Lezhë, Mark Marku, bëri për ‘dush të ftohtë’ demokratët, duke trumbetuar me të madhe se rrezikojnë të mbeten në opozitë dhe pas 4 vitesh. Ai nënvizoi ndër të tjera se PD-ja ka nevojë për rithemelim!

“Për herë të parë në historinë e pluralizmit, PD nuk arriti të vij në pushtet pas dy mandatesh të qeverisjes. Fakt i rëndë për ne, dhe për vendin! E vërtetë se PD ka marrë numër më të madh votash, numër më të madh deputetësh, por është e vërtetë dhe ju bëj thirrje ta mendoni, PD është në pikën me kritike të saj. Pse? Sepse kundërshtari ynë politik me këto zgjedhje është shndërruar në një regjim politik, me rrezikshmërinë për fatet e shoqërisë.

Opinioni publik dhe qytetarët kanë pritshmëri të tjera nga kjo që po bëjmë ne sot. Mënyra se si po përballemi me gjendjen e rëndë ku ndodhemi, është krejtësisht jashtë kontekstit ku ndodhemi. Duke përdorur një term të Aurel Plasarit, ne jemi jashtë kohës politike, gjë që po na bën ne që të rrezikojmë kohën e PD-së për 4 vite të tjera.

Ne rrezikojmë që edhe pas katër vitesh të mblidhemi prapë dhe të themi po na vodhën prapë, dhe na bënë masakër zgjedhore. Na vodhën për herë të parë s’kemi faj, kur na vjedhin herën e dytë ke dhe ti faj se e ke lënë bravën hapur.

Të fillojmë të mendojmë seriozisht. Kuvendi u mbyll para se të fillonte! Ti mbyll Kongresin dhe voton, kurse ne dalin flasim këtu. Katër propozimet e Kuvendit janë kot. E diskunksionalizon PD-në. Janë funksione që s’kanë lidhje fare me gjendjen ku ndodhet vendi. Hajde ta bëjmë të gjithë partinë Kuvend Kombëtar. E kthejmë PD-në në një gjendje permanente opozitare dhe pa perspektivë për ardhjen në pushtet”.

Lexo edhe :   Letra/ Dorëheqje masive në PD: Basha po e kthen në një parti klienteliste

Mark Marku e konsideroi absurd Kuvendin Kombëtar që zhvillon punimet këtë të shtunë, ndërsa foli për një proces të madh transformimi të PD, si kusht për jetëgjatësinë e saj.

“Propozoj që në këtë Kongres të zakonshëm të merret një vendim, gjë që është e pamundur por gjithsesi ekziston mundësia për të korrigjuar gabimet. Të merret një vendim për krijimin e një komisioni për një Kongres të jashtëzakonshëm të rithemelimit të PD, me përfaqësues nga të gjithë faktorët brenda e jashtë PD që duan ndryshimin:

1- Krijimin e një komisioni rithemelues të PD, si edhe me ftesa për kontribute jashtë partisë, por me dashamirës të partisë
2- Hartimin e një platforme të re programore e statuti të ri për një funksionim normal të demokracisë në parti. Jemi Parti Demokratike, po nuk jemi fare, gjithçka e cakton kryetari.
3- Nuk të lenë një periudhë amullie, duhet një drejtim i partisë deri në një Kongres tjetër ku të ndahet drejtimi i partisë nga drejtimi i punës, ristrukturues të partisë.
4- Kërkoj ribërjen e analizës për zgjedhjet, duke parë veç pengesave edhe dobësitë tona në fushatë dhe në afrimin e njerëz. Duhet të bëjmë një analizë të thellë. Ka 30 vjet që nuk jemi parti e parë në vend.
Analiza s’mund të bëhet nga njerëz që kanë përgjegjësinë e humbjes. Analizën s’mund ta bëjë Gaz Bardhi, ai që është vetë i përfshirë në çështje të bëjë analizën time, s’mund ta bëjë, as kryesia, as kryetari i partisë. Secili do thotë që ‘po e rëndoj pak këtë se duam ta heqim’ kush kupton nga politika e kupton që është një analizë për të lëvizur të tjerë.
5- Ricaktimi i datës së Kongresit, ku të nisë një erë e re për të gjithë ne. Frikë kam, nuk e uroj kurrë po ka rrezik që pas 4 vitesh të jemi sërish kështu, do bëjmë prap si viktima”, përfundoi Marku fjalën e tij.

Lexo edhe :   Raporti i OSBE/ Reagon Basha: Në 25 prill, u tjetërsua vullneti i shqiptarëve
- Reklama -

Më shumë nga kategoria




Të fundit

Si mund të shmangen epidemitë

Numri i vdekjeve të raportuara nga COVID-19 ka kaluar 4 milionë, sipas Universitetit Johns Hopkins që regjistron infektimet dhe vdekjet. Në 100 vitet e...

Politikani lituanez dënohet me burg për spiunim për Rusinë

Një gjykatë në Lituani dënoi politikanin Algirdas Paleckis me gjashtë vjet burgim, pasi e shpalli fajtor për spiunim për Rusinë. Gjykata e rrethit Siauliai vendosi...

Lëkundje sizmike me magnitudë 4.1 në Shqipëri

Lëkundje sizmike janë regjistruar mbrëmjen e sotme në vendin tonë. Sipas statistikave të publikuara nga Instituti i Gjeoshkencave, Energjise, Ujit dhe Mjedisit, tërmeti me...

Zgjedhje të parakohshme? Haradinaj: Qeveria Kurti nuk do të zgjasë shumë

Kryetari i Aleancës për Ardhmërinë e Kosovës, Ramush Haradinaj deklaroi se qeveria e Albin Kurtit nuk do të zgjasë shumë, duke paralajmëruar se në...

I pandehur me ish-ministrin Tahiri/ Rrëzohet kërkesa e Jaeld Çelës për liri

Gjykata e Posaçme kundër Korrupsionit dhe Krimit të Organizuar (GJKKO), ka rrëzuar  kërkesën e ish-drejtorit të Policisë së Vlorës Jaeld Çela, për lirimin nga...