E premte, 23 Korrik, 2021
19.5 C
Tirana

Mbi 150 të vdekur nga përmbytjet në Evropën Perëndimore

Numri i të vdekurve nga përmbytjet katastrofike në Evropën Perëndimore u rrit në mbi 150 të shtunën ndërsa ekipet e shpëtimit përpiqeshin të spastronin shkatërrimin përmasat e të cilit u bënë të dukshme nga tërheqja e ujit, si edhe për të parandaluar dëmtimet të mëtejshme.

Policia tha se se më shumë se 90 njerëz dihet tashmë se kanë vdekur në rajonin Ahrweiler të Gjermanisë perëndimore, një nga zonat më të goditura dhe numri i viktimave mund të shtohet.

43 persona të tjerë u konfirmuan të vdekur në shtetin fqinjë Rhine-Westphalia, më i populluari në Gjermani. Qendra kombëtare e krizave në Belgjikë tha se numri i konfirmuar i vdekjeve në atë vend ka arritur në 24 dhe se pret që ky numër të rritet.

Presidenti gjerman Frank-Walter Steinmeier planifikonte të shkonte të shtunën në Erftstadt, në jugperëndim të Këlnit, ku ndërmor një përpjekje dramatike shpëtimi të premten ndërsa njerëzit ishin bllokuar nga rrëshqitja e dheut. Të paktën tre shtëpi dhe një pjesë e një pallati në qarkun Blessem të qytetit u shembën.

Ushtria gjermane përdori automjete të blinduara të shtunën për të zhvendosur makinat dhe kamionët e përmbytur nga ujrat. Shumë zona ishin ende pa energji elektrike dhe shërbim telefonik.

Rreth 700 persona u evakuuan nga një pjesë e qytetit gjerman Wassenberg, në kufirin me Hollandën, pas prishjes së një prite në lumin Rur.

Linjat e trenave dhe rrugët mbetën të bllokuara në shumë zona të Belgjikës lindore. Shërbimi hekurudhor kombëtar tha funksionimi normal do të fillonte të hënën. Presidentja e Komisionit Evropian Ursula von der Leyen dhe Kryeministri belg Alexander De Croo po vizitonin qytete të dëmtuara nga përmbytja të shtunën, sipas televizionit shtetëror belg RTBF. Përveç Gjermanisë dhe Belgjikës që janë vendet e goditura më rëndë, edhe pjesë jugore të Hollandës janë prekur nga përmbytje të mëdha. /VOA

- Reklama -

Më shumë nga kategoria




Të fundit

Shembet ura në Siberi, bllokohet hekurudha më e gjatë në botë

Vërshimet si pasojë e reshjeve të furishme në Siberi kanë çuar në shembjen e një urë, duke e shkëputur hekurudhën siberiane, më e gjata...

Kina vendos sanksione ndaj shtatë shtetasve amerikanë

Kina njoftoi të premten se po vendos sanksione ndaj disa shtetasve amerikanë në përgjigje të sanksionimit nga ana e Shteteve të Bashkuara të shtatë...

KPK, pikëpyetje për pasurinë dhe profesionalizmin e prokurores Daniela Sulaj

Prokurorja Daniela Sulaj, e komanduar si inspektore pranë Inspektoriatit të Lartë të Drejtësisë, u përball të premten më 23 korrik me Komisionin e Pavarur...

Gjykata i refuzon kërkesën për liri, Hashim Thaçi mbetet në paraburgim

Gjykata Speciale e Hagës ka marrë vendim që t’i refuzohet kërkesa ish-presidentit të Kosovës, Hashim Thaçit, që ky i fundit të mbrohet në liri. Edhe...

Koronavirusi, Manastirliu tregon numrin e të vaksinuarve në 24 orët e fundit

Ministrja e Shëndetësisë dhe Mbrojtjes Sociale, Ogerta Manastirliu ka publikuar shifrat e të vaksinuarve kundër koronavirusit në vend. Manastirliu bën me dije, se mbi 13...