Nga nesër, shqiptarët do lëvizin ngado më maskë, si një masë e rëndësishme për tu mbrojtur ndaj COVID-19. Nesër futet në fuqi akti normativ, që sot u botua në Fletoren Zyrtare për vendosjen me detyrim të maskës sapo të dilni nga banesa. Shkelësit e ligjit që do të kapen pa maskë, do të gjobiten me 3 mijë lekë, ndërsa nëse e përsërisin masa administrative shkon 5 mijë lekë.
Për këtë ka reaguar ashpër eksperti i Shëndetit Publik, Erion Dasho, i cili ka ironizuar vendimin për mbajtjen e maskave me detyrim.
“Në një muaj Italia teston gati 3 milion persona, më tepër se popullsia e gjithë Shqipërisë. Përse demagogët tanë nuk kopjojnë nga Italia strategjinë e testimeve, por kopjojnë vetëm këtë palaçollëkun e maskave prej bezeje në rrugë??!!”.
https://www.facebook.com/edasho/posts/10159081334437259
Më herët, Rama tha se gjobat do të paguhen tek faturat e energjisë elektrike, ndërsa zbatimi i ligjit do t’i ngarkohet Policisë së Shtetit dhe Policisë Bashkiake dhe jo inspektoriateve. Vendimi për vendosjen e maskave edhe në publik, vjen pas vendimit që Ministria e Shëndetësisë dhe komisioni i ekspertëve që trajtojnë COVID-19 morën për hapjen e mjediseve të brendshme të bareve dhe restoranteve.
