‘Lufta’ për zgjedhjet tashmë ka filluar, e ndërsa kundërshtarët politikë nuk kursehen me kritika dhe akuza të ashpra ndaj njëri-tjetrit. Fabian Topollaj i Bindjes Demokratike, nuk ia ka lënë mangët Ramës dhe Bashës, duke analizuar tentativat e dy personazheve për triumfin në zgjedhje.
Topollaj e ka nisur shkrimin e tij mjaft sinjifikativ, duke shkruar që në krye të herës: ‘Përralla e Edit dhe gënjeshtra e Lulit’. Ai shkruan me anë të një postimi në Facebook, se janë përrallat e kryeministrit Rama që drafti i Damian Gjuknurit i ka hapur
listat 100%, dhe gënjeshtra e kryedemokratit Basha që anëtarësia e PD do të zgjedhë deputetët e vetë.
1 tetori është afati i vendosur nga Kuvendi i Shqipërisë për të miratuar ndryshimet në Kodin Zgjedhor, që kanë të bëjnë me hapjen e listave dhe heqjen e koalicioneve parazgjedhore. Komisioni i Ligjeve ditën e hënë do të marrë në shqyrtim të gjitha propozimet që janë bërë deri më tani për ndryshimin e sistemit zgjedhor. Në draftin e PS, parashikohet që të hapen listat 100%. Ndërsa pragun zgjedhor, PS e propozon të jetë 3% në rang kombëtar.
Statusi
Përralla e Edit dhe Gënjeshtra e Lulit
Përralla e Edit, që drafti i Damianit i ka hapur listat 100%, dhe gënjeshtra e Lulit, që anëtarësia e PD do të zgjedhë deputetët e vet, janë praktikisht e njejta gjë.
Sa mund të ndryshojë lista e kryetarëve nga hileja e herësit për cdo mandat, aq mundet edhe të ndikojnë demokratët për të futur hundët tek lista private e Lulit.
Mund të jetë edhe rastësi, që kanë arritur në të njejtin konkluzion për ta lënë gjithcka ashtu sic ishte, duke bërë gjoja sikur po e rregullojnë. Por në jug nuk e kanë kot atë shprehjen “ngjan, pa bëhet”, e cila vlen për krushqinë, miqësinë, ndoshta edhe per dashurinë.
https://www.facebook.com/fabian.topollaj/posts/10158732272329321
