Kryeministri Rama ka mbyllur konferencën, sapo është pyetur për Dritan Lelin. Ky i fundit refuzoi të dorëzonte mandatin e kryebashkiakut dhe të hynte në listën e kandidatëve për deputetë të PS-së në Vlorë. Rama nuk e ka kapërdirë lehtë, dhe këtu kanë nisur përplasjet. Kjo çështje është risjellë sërish në fokus nga gazetarët, ndërsa Rama e ka shmangur.
Kryeministri nuk ka pranuar të tregojë zanafillën e konfliktit me kryebashkiakun e Vlorës, Dritan Leli.
Gazetarja: Takimi që keni patur në Vlorë, ku nuk i keni kursyer rezervat për Dritan Lelin. Doja të dija zanafillën, a ka nisur që te refuzimi i ftesës për të dalë kandidat, apo për punën si kryetar Bashkie?
Edi Rama: Se di ku e pe se sa u kurseva apo se si kurseva, se nuk ke qenë e pranishme aty. Faleminderit të gjithëve. (çohet dhe ikën).
