Ashtu sikundër ishte bërë e ditur, paraditen e sotme, Byroja e Kuvendit ka nisur mbledhjen pas kërkesës së PS-së për ndëshkimin e 10 deputetëve të opozitës. Mbledhja ka nisur në orën 10:00 me dyer të mbyllura. Në nisje të mbledhjes, demokrati Edi Paloka ka kërkuar që mbledhja të zhvillohet me dyer të hapura, që të kenë mundësi ta shohin live gjithë të interesuarit, por PS-ja nuk e ka miratuar një kërkesë të tillë.
Deputet u thirrën një nga një në mbledhje për të dëshmuar për ngjarjen e së hënës. Ata kanë treguar të gjithë atë që ka ndodhur dhe të gjithë deputetët kanë thënë se kanë zbatuar vetëm kushtetutën, ashtu siç ata janë betuar në fillim të sesion plenar në shtator.
Flamur Noka: Ne deputet që jemi prezent së bashku nga kolegët e LSI , ishim aty si deputet për të bërë detyrën e përsëris ne deputetët e opozitës, ishim aty si deputet të betuar për të mbrojtur interesat e popullit. Ne mbrojtëm kushtetutën, por kushtetuta u shkel nga Edi Rama. Këta zgjodhën për fat të keq dhe ditëlindjen e Stalinit për të na dënuar ne. Të jeni të sigurt që deputet e opozitës do të jenë në krah të qytetarëve. Narko-trafikantët shpejtuan për ti dhënë
Ervin Salianji : Ne kemi bërë një betim duke u betuar për të mbrojtur Kushtetutën dhe ligjin. Duhej të ishte përgjigje me forcë kundër Edi Ramës. Dhuna është ushtruar nga deputet të PS, këto janë shkelje të rënda dhe jo reagim i deputetët e opozitës. Mund të kishin dal dhe me degë kanabisi se nuk është e vështirtë për ti gjetur. Nuk ka ndonjë pikë të rregullores që ndalohen tymueset. Nëse do të përcaktohet ndonjë nen për sjelljen e deputet dhe veshjen e tyre kjo është absurde. Masa disiplinore është qesharake.
Edi Paloka: Do vazhdojmë të jemi në mbrojte të kushtetutës. Duke kaluar në pjesën komike kjo që ndodhi në byronë e Gramorit. Kishin thirrur një deputetët që bëri autokritikë përpara Byrosë. Kur bëhet autokritikë nuk dënohet tha shoku Gramoz. Edhe një herë përsëris ne kemi bërë betimin se do të mbrojmë kushtetutën dhe ne do të vazhdojmë ta bëjmë këtë gjë. Ne do të jemi edhe më fortë në mbrojte të kushtetutës dhe qytetarëve. Vendimin ata e kane marrë ne u larguam përpara se të merrej vendimi, ky është një parlament ilegjitim.
