Moderatorja Fjoralba Ponari ka bërë një lapsus gjatë emisionit “E diell”, që tashmë ka bërë xhiron e rrjetit.
“Fatmirësisht sot të lindësh e bukur nuk është vetëm çështje fati, është edhe çështje profesionalizmi…”, tha moderatorja.
Videoja është postuar edhe nga Olti Curri, i cili shkroi me ironi:
“Sigurisht që bukuria është çështje profesionalizmi. Psh një shofer është i bukur si një gomë rezervë, një këngëtar është i bukur si një mikrofon, një gjinekolog është i bukur si… si ta them…”.
Moderatorja Ponari ka zgjedhur t’i përgjigjet publikisht Currit, teksa shkruan:
“E mo po mos i prit sipas qejfit videot promocionale”.
Ky koment ka shkaktuar përplasje mes tyre, pasi Curri ka zgjedhur të replikojë, duke mos i lënë gjë mangët:
Blogeri: “Prite qepe si të duash lapsusi ishte yll”.
Fjoralba: “Çështja është se po ta ofroje të plotë, s’do kishe ç’të ironizoje këtu e ç’të kënaqje popullin.”
Blogeri: “Me thënë të drejtën kaq sa ke thënë mjafton, nuk ka rëndësi çfarë ke thënë në vazhdim sepse lapsusi është në këtë që thua: “Fatmirësisht sot të lindësh e bukur nuk është vetëm çështje fati, është edhe çështje profesionalizmi”… Sipas teje të lindesh e bukur nuk është vetëm fat por edhe profesionalizëm!!! Si lind i bukur me profesionalizëm ? Duke ndërhyrë në laboratorët e gjinekologjisë në ADN ? Nëse ishe duke i bërë reklamë laboratorëve të paligjshëm të ndërhyrjes në gjenetikën njerëzore atëherë tërhiqem.”
