Pasditen e djeshme, rreth orës 18:50, në aksin rrugor Maminas- Gjiri i Lalëzit, në Armath, Manzë, në vendin e quajtur “Akullorja”, një 48-vjeçar ka përplasur një këmbësor, M.LL., 23 vjeç.
23-vjeçari është dërguar në spitalin e Traumës por nuk ka mundur të mbijetojë.
Ndërkaq, newsbomb.al mëson emrin e drejtuesit të mjetit i cili është jo pak i njohur për biznesin. Bëhet fjalë për 48-vjeçarin Artan Lushaj.
Lushaj është pronar i disa bizneseve import eksporti, si dhe pronar i Universitetit privat “ILLYRIA” në Durrës.
Biznesmeni, i cili flitet se është edhe mik i familjes Berisha, është shoqëruar në polici për veprime të mëtejshme ndërsa mbetet për t’u parë nëse ai do konsiderohet apo jo fajtor për këtë aksident.
