Nënkryetari i LSI-së, Petrit Vasili i bën thirrje Prokurorisë që të hetojë kryeministrin Edi Rama.
Përmes një postimi në Facebook, Vasili thotë se Rama ka shkelur ligjin për ruajtjen e privatësisë së pacientit pasi ka publikuar emrat e vëllezërve Budina si të infektuar me koronavirus.
Sipas tij, ndjekja penale dhe dënimi i kreut të qeverisë është gjëja më e pakët. Ai shton se kryeministri duhet të hetohet dhe për shpërdorim detyre përmes keqpërdorimit të të dhënave shtetërore.
Postimi i plotë:
Edi Rama te ndiqet menjehere penalisht dhe te denohet per krimin e publikimit te emrave te vellezerve Budina si te prekur me COVID-19! Ruajtja e privatesise se pacientit dhe mospublikimi i semundjes se cdo lloji eshte ligj absolut. Edi Rama ka shkelur e dhunuar haptas ligjin.
Ndjekja penale dhe denimi i Edi Rames eshte gjeja me paket per te shto ketu edhe shperdorimin flagrant te detyres permes keqperdorimit te te dhenave shteterore. Prokurori zgjohu se po mbulohesh me turp! Qytetaret jane te gjithe te barabarte perpara ligjit.”, shkruan Vasili.
Kujtojmë se sot në mesditë mediat publikuan lajmin se dy vëllezërit Budina janë infektuar me Covid. Lidhur me këto lajme, reagoi dhe kreu i qeverisë, i cili iu uroi atyre shërim të shpejtë.
