Ka shkuar në 12 numri i viktimave pas përmbytjes së varkës me të cilën po lundronin në ujërat perëndimore të Greqisë.
Sipas mediave greke, 21 persona janë shpëtuar të gjallë nga kjo varkë, ndërsa besohet se në të ndodheshin rreth 50 persona. Autoritetet greke dërguan anije dhe helikopterë në vendin ku ndodhi ngjarja tragjike për t’iu ardhur në ndihmë njerëzve që ndodheshin në bordin e anijes.
Policia detare e Greqisë shpesh përballet me anije imigrantësh që vijnë nga ujërat e Turqisë, por fatkeqësitë në pjesën perëndimore të ujërave janë të rralla. Kujtojmë se në vitet 2015 dhe 2016, Greqia u godit nga një valë e madhe e imigrantëve, teksa më shumë se një milion persona hynë në territorin e saj.
