Gjatë mesditës së sotme, një aksident me pasojë tre të lënduar ka ndodhur në Lezhë. Një automjet tip “Benz” është përmbysur në rrugën kryesore, në qendër të qytetit.
Makina drejtohej nga një grua, e cila udhëtonte bashkë me dy fëmijët e saj. Të tre janë dërguar në spital.
Paraprakisht, shkak mendohet pakujdesia e drejtueses së automjetit. Në pjesën e pasme të makinës, ishte vendosur tabela “shofere e re”.
Fatmirësisht, tre personat janë jashtë rrezikut për jetën. Nga përplasja janë dëmtuar edhe disa automjete të parkuara.
