Ministrja për Rininë, Bora Muzhaqi, nuk ka të ndalur me batutat e saj. Ajo nuk është kursyer edhe në Kongresin e Partisë Socialiste.
Ministrja e cila është bërë e njohur për “perlat” e saj gjatë fjalimeve, në një moment ka kërkuar ndjesë për “diellin e tepruar”, teksa falenderoi panelistët për pjesëmarrjen në Kongresin e PS-së.
“Arsyeja pse ne sot panelet i kemi bërë në dy pjesë, pjesa e parë ishte për ofruesit e dijeve dhe pjesa e dytë do të jetë për ofruesit e punës. Që do të thotë, do të kesh mundësinë që t’i njohësh të gjithë kompanitë që veprojnë në Shqipëri dhe kanë mundësinë që të punësojnë pikërisht këta të rinj që ne diskutuam që trajnohen.
Pjesa e bukur që doja të ndaja para se të mbyllim sesionin e parë, ishte që nëse e vutë re këtu kemi si organizata, si kompani, Start up-e, si facilitatore dhe lehtësues për Start Up-et, pra elementi i të gjithë kësaj fushe dhe teknologjisë është se nuk mundet qeveria që ta bëjë e vetme, është gjithmonë një bashkëpunim me ekosistemin që bashkëpunon.
Të gjithë ju që jeni sot pjesëtarë dhe po na dëgjoni si audiencë, duhet të kuptoni që të gjithë bashkërisht duke futur edhe elementin e organizatave, të biznesit, shoqërisë civile po dhe mbi të gjitha qeverinë, ndoshta për t’i treguar drejtimin e duhur dhe për të ecur në të njëjtat hapa edhe vetë rinia.
Kështu që unë do ta mbyll me kaq, do të falenderoj shumë panelistët dhe ndjesë për diellin e tepruar, po ja keni dal më së miri dhe besoj se të gjithë të rinjtë sot kanë mësuar disa gjëra të reja dhe kanë mësuar dhe ku të aplikojnë apo ku të shkojnë për ata që duan të bëhen ekspertët e teknologjisë të së ardhmes”.
