Zbardhen të tjera detaje nga ngjarja e sotme në Durrës, ku e para në listën e kandidatëve për deputetë nga rradhët e Lëvizjes Socialiste për Integrim, Elona Guri u konfliktua me një qytetar.
Mësohet se në zyrat e LSI në lagjen nr.4 janë gjetur pajisje përgjimi, dhe lidhur me këtë ngjarje, Guri ka dalë në deklaratë për shtyp dhe ka bërë kallëzim në prokurori.
Ajo pretendon se personi me të cilin u konfliktua, është shoku i djalit të Lefter Kokës, i cili ka qenë Ministër i Mjedisit me LSI-në, gjatë viteve 2013-2017.
Reagimi i Elona Gurit
Mafia e inceneratorëve vendos kamera dhe pajisje përgjimi në zyrën qendrore të LSI Durrës me qëllimin për të identifikuar, intimiduar, frikësuar e më pas për të pushuar nga puna këdo qytetar të thjeshtë që i bashkohet LSI.
Ky është një skandal i paprecedentë në procesin e fushatës zgjedhore në Shqipëri në 30 vite. Një shkelje penale dhe një akt i shëmtuar i kryer nga matrapazët e inceratorëve.
Njihuni me të vërtetën se sa poshtë kanë rënë zuzarët e “Rilindjes” dhe se çfarë mendje kriminale kanë fundërrinat e mafias së plehrave të cilëve u shtohet një padi tjetër penale për shkeljet dhe zullumet e shumta që kanë bërë.
Harxhojnë milionat e vjedhura nga inceneratorët për kamera dhe mjete përgjimi për të intimiduar e frikësuar njerëzit e LSI.
Asgjë nuk e ndal FITOREN E MADHE të 25 prillit.
Janë të kapitulluar.
