Ambasadori i Britanisë së Madhe në Tiranë, Duncan Norman është takuar paraditen e sotme me kreun e PD-së, Lulzim Basha. Takimi nisi në orën 11:00, ndërsa mësohet se në qendër të bisedës ishte situata dhe protesta e nesërme e paralajmëruar nga opozita.
Takimi i Norman me Bashën vjen në kuadër të një krize politike në të cilën ndodhet vendi prej kohësh, ndërsa situata është tensionuar edhe më shumë dy ditët e fundit, teksa ka pasur përplasje mes policisë dhe mbështetësve të opozitës, lidhur me vendosjen e materialeve të votimit.
Nesër do të jetë protesta e nëntë kombëtare e opozitës para Kryeministrisë duke kërkuar largimin e qeverisë Rama. Tre ditë përpara protestës, Ambasada Amerikane u bëri thirrje qytetarëve që të shmangin zonat në të cilën do të zhvillohet tubimi i opozitës së bashkuar.
