Aksi Shkodër-Lezhë është përgjakur në orët e para të mëngjesit, ku janë përplasur dy mjete me njëri-tjetrin. Dy persona janë dërguar me urgjencë në spital, ku njëri prej tyre ka ndërruar jetë.
Policia ka njoftuar se nuk ia ka dalë dot mbanë si pasojë e plagëve shtetasi Zyhdi Meti, ndërsa ndodhet në spitalin e Traumës shtetasi me iniciale V.T.
Aksidenti ka ndodhur në vendin e quajtur “Kryqëzimi i Dajçit”. Grupi hetimor ndodhet në vendngjarje, dhe po punon për sqarimin e plotë të shkakut dhe rrethanave të ngjarjes.
Njoftimi i policisë:
Në aksin rrugor Shkodër-Lezhë, në vendin e quajtur “Kryqëzimi i Dajçit’, automjeti me drejtues shtetasin Z.M.,është përplasur me automjetin me drejtues shtetasin V.T., ku si pasojë ka ndërruar jetë drejtuesi i mjetit shtetasi Z.M., dhe ka marrë dëmtime e dërguar në spitalin e Traumës, Tiranë drejtuesi i mjetit tjetër shtetasi V.T.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
