Një aksident i rëndë, i ka marrë jetën dy persona në orët e para të ditës së sotme. Ngjarja është shënuar në Fier, në aksin rrugor Levan- Qarr, në orën 07:14.
Mësohet se mjeti ku po udhëtonin dy personat, ka dalë nga rruga dhe nga përplasja e fortë, drejtuesi i makinës dhe pasagjeri kanë ndërruar jetë në vend.
Burimet jo zyrtare bëjnë me dije se ndonëse kanë kaluar më shumë se 50 minuta nga momenti që ka ndodhur aksidenti, trupat e viktimave janë ende në makinë.
Mësohet se zjarrfikëset po shkojnë drejt vendit të ngjarjes, për të bërë të mundur nxjerrjen e viktimave nga makina.
Paraprakisht dyshohet se lagështira në rrugë e shpejtësia e lartë, kanë qenë shkaqet e aksidentit me pasojë jetën.
