Ka përfunduar takimi mes përfaqësuesit të OSBE-së dhe kryeministrit Rama, takim i cili u zhvillua në selinë Partisë Socialiste dhe zgjati rreth 30 minuta.
Borchardt ka thënë para medias se ishte një takim informues rreth monitorimit të zgjedhjeve, ndërsa shtoi se nuk do të komentojë situatën politike.
“Ishte një takim informues rreth monitorimit të zgjedhjeve. Jemi vëzhgues, nuk bëjmë komente për situatën politike. Do të flasim pas zgjedhjeve”, kështu është shprehur përfaqësuesi i OSBE-së pas përfundimit të takimit.
Takimi i Bernd Borchardt me Ramën vjen para se ky i fundit të takohet me zyrtarin e lartë amerikan Hyot Yee, i cili gjendet në Tiranë me misionin për t’i dhënë një zgjidhje krizës politike në vend.
