Inspektorati Kombëtar i Mbrojtjes së Territorit (IKMT) njofton se ka përfunduar aksioni i shembjes së banesave te zona e Astirit.
Përmes një postimi në Facebook, IKMT deklaron se janë shembur 15 objekte një katëshe, 11 objekte 2 katëshe, 6 objekte 3 katëshe dhe 1 objekt katër katësh.
“IKMT përfundon aksionin tek “Astir”. Vetem pak momente më parë, mjetet e IKMT kanë prishur edhe objektin e 33 në zonën e “Astirit”. Nga operacioni që filloi mëngjesin e sotëm, u prishën 15 objekte një katëshe, 11 objekte 2 katëshe, 6 objekte 3 katëshe dhe 1 objekt katër katësh”, shkruhet në postimin e tyre.
IKMT kishte njoftuar banorët e Astirit se në orët e para të mëngjesit do fillonte aksioni për shembjen e banesave. Banorët e zonës bënë rezistencë ndaj autoriteteve, duke bërë që disa prej tyre të lëndoheshin.
