I arratisur prej 7 vitesh, me një borxh të rëndësishëm ndaj drejtësisë italiane mbi supe. Ai u kap në Shqipëri nga hetuesit e zyrës së SDI të Prokurorisë së Përgjithshme të Perugias. 55-vjeçari shqiptar duhet të vuajë një dënim të rëndë me 25 vjet, 7 muaj e 21 ditë burg, si rezultat i katër dënimeve, për krime të ndryshme, ndër të cilat ai për shoqërim kriminal me qëllim trafikimin e lëndëve narkotike të kryera.
Arrestimi u bë më 5 tetor nga policia shqiptare, e cila zbatoi urdhrin e burgut të Prokurorit të Përgjithshëm të Perugias. Identifikimi i të arratisurit, i cili përdorte shtatë pseudonime, u bë i mundur falë veprimtarisë së Prokurorit të Përgjithshëm të Perugias, qe kreu kërkime të shumta për gjetjen e tij.
Në fakt, nisur nga hetimi dhe identifikimi i personave me të cilët dyshohej se kishte lidhje i arratisuri, vëmendja u përqendrua tek motra, e cila ndodhet në territorin italian dhe tek bashkëshortja dhe djali i të arratisurit që banojnë në territorin e huaj.
Informacioni i vlefshëm për vendbanimin aktual dhe për të dhënat e sakta personale, të dhëna nga Prokurori i Përgjithshëm, kanë lejuar policinë shqiptare, nëpërmjet Interpolit, të nxjerrë para drejtësisë të arratisurin që lëvizte nëpër Evropë duke përdorur identitete të rreme. 55-vjeçari shqiptar është arrestuar në Durrës, dhe është në pritje të ekstradimit drejt Italisë.
Burimi i lajmit: Umbria 7. Përshtatur nga Tirana Today
