Futbolli në Shqipëri është ndalur për shkak të bojkotit të Ligës Profesioniste dhe presidentëve të Superligës. Marrëveshja do të jetë në fuqi deri në çastin që Qeveria të plotësojë 4 kërkesat që klubet kanë. I ftuar në emisionin “Java” në RTSH, Presidenti i FSHF-së, Armand Duka, ka lëshuar disa thumbime ndaj moderatores Hygerta Sako. Teksa është indinjuar nga pyetja e saj, Duka ka thënë se ajo është për të miss se sa një gazetare.
Hygerta Sako: Humbja e Tiranës është faji juaj për shkak të bojkotit?
Duka: Eha këto janë muhabete për interesa të personave në veçanti. Për mua Hygerta është më shumë miss, se sa gazetare.
Hygerta Sako: Ju i shmangi gjithmonë pyetjeve, dhe duket se i keni mësuar përmendësh këto gjëra. Unë nuk jam e bukur, por jam gazetare prej 25 vitesh.
Duka: Nuk e di kush i bën këto pyetje, por këto janë tema specifike. Nëse do të kishim luajtur, do të thonin që ishin të lodhur. Tani thoni u eleminuan nga bojkoti, por për mua Tirana bëri sukses.
Hygerta Sako: Ju nuk ndiheni në faj për humbjen e Tiranës?
Duka: Nuk ndihem aspak fajtor, pasi për mua Tirana arriti sukses në Europë.
