Dy deputetë të Serbisë kanë nisur grevë urie ditën e sotme tek shkallët e Parlamentit.
Ata sqarojnë se arsyeja se përse janë në grevë, lidhet me Kosovën.
Deputeti i pavarur i parlamentit të Serbisë, Miladin Shevarliq pohoi se e ka marrë vendimin në fjalë, për shkak të “pamundësisë për të nisur debat në Kuvend për cënimin e integritetit territorial dhe sovranitetit të Serbisë, si dhe mosrespektimin e Rezolutës 1244”.
“Nuk është çështja tek ajo nëse duam apo nuk duam të luftojmë, por nëse duam apo nuk duam të ekzistojmë. Parlamenti i Serbisë është turp që shërben për zbatimin e njëmendësisë së partisë në pushtet. Përse nuk iniciohet çështja e largimit të Kosovës nga sistemi elektroenergjetik serb dhe bashkimit me atë të Shqipërisë? Për çfarë shërben ky parlament?”- mësohet të ketë deklaruar ai.
Shevarliq-it më pas i është bashkuar edhe deputeti Boško Obradović, lideri i grupit “Dveri”:
“Sapo i jam bashkuar Miladin Shervarliq-it në grevën e urisë. Dhe besoj se nuk do të jem i vetmi. Jo vetëm për ruajtjen e Kosovës në përbërjen e Serbisë, por në rend të parë për atë. E pastaj edhe për shkelje të Kushtetutës, rrënim të demokracisë dhe shtyrje të zgjedhjeve”.
