Presidenti Ilir Meta po jep tashmë deklaratën e tij para Komisioni Hetimor, në lidhje me anulimin e zgjedhjeve të 30 qershorit.
Mirëpo, menjëherë sapo ka nisur mbledhja ka ardhur edhe reagimi i LSI-së. Përmes një postimi në Facebook, nënkryetari i kësaj partie akuzon se kjo mbledhje ka nisur me shkelje, pasi Ulsi Manja ka përdorur fjalimin e porositur sipas tij, nga kryeministri Rama.
Sipas tij, një fjalim i tillë jepet vetëm ditën e parë të mbledhjes së Komisionit, ndërsa sot duhet të kishte nisur direkt me pyetjet.
Postimi i plotë:
Komisioni hetimor per Presidentin fillon per faqe te zeze.
Ulsiu duke shkelur rregulloren e Kuvendit e fillon me fjalimin e çartur te porositur nga Edi Rama seancen.
Duhet ta dini te gjithe qe fjalimi, ne se ka nje te tille, mbahet vetem diten e pare kur komisioni fillon punen, ndersa sot fillon direkt me pyetjet per te cilat komisioni ka interes te marre shpjegime.
Po keta sharlatane s’kane as turp dhe s’kane asnje lidhje asgjekundi as me shtetin dhe as me ligjin,keta jane turpi i ketij vendi,jane thjesht banditizmi ulur ne karriget e kuvendit.
