Instituti i Mjekësisë Ligjore ka zbuluar arsyet e vdekjes së Rezarta Xibrakut. Sipas rezultateve, 19-vjeçarja ka vdekur nga monoksidi i karbonit, i çliruar nga mangalli që gjendej në dhomë.
Rezarta dhe Olsi u gjetën të asfiksuar nga prindërit e këtij të fundit, në dhomën e tyre. Rezarta kishte vetëm 5 ditë që ishte martuar me Olsi Hajdarin, ndërkohë që prindërit e këtij të fundit i gjetën në dhomë të helmuar.
Rezarta nuk arriti të shpëtonte, ndërsa Olsi ka mundur të mbijetojë pas trajtimit mjekësor.
Lidhur me këtë ngjarje tragjike ka reaguar edhe ish-ministri i Bujqësisë, Edmond Panari, i cili apelon që qytetarët të bëjnë kujdes me ngrohjen, pasi mund të kthehet fatale për jetën. Ai shkruan në Facebook se thëngjijt e padjegur mirë të mangalleve, të sobave me dru dhe atyre me gaz, mund të na vrasin pa u ndjerë.
Statusi
Po vjen dimri! Kujdes me ngrohjen me dru, qymyr dhe Gaz. Mund te jene fatale!…. …. Thengjijt e padjegur mire te mangalleve, te sobave me dru dhe atyre me gaz, mund te na vrasin shpejt dhe pa u ndjerë!………….. Ky ishte fati i hidhur dhe tragjik i ciftit të ri nga Librazhdi…. Monoksidi i karbonit, i çliruar nga djegja e paplotë, e zevendeson rrufeshëm oksigjenin e gjakut tone dhe demton ne kohe rekord trurin dhe organet e tjera . Ky gaz nuk shihet dhe as nuhatet, sepse per fat te keq nuk ka as ere dhe as ngjyre.. Helmimi fillon si dhembje koke dhe turbullim qe mund te ngatërrohet fare lehtë me gripin e zakonshëm .. Ne doza te larta te ekspozimit ndaj gazit, per tre minuta të bie të fiket dhe per pese minuta je i vdekur … Ndaj kujdes! Ne shenjat e para te dhembjes se kokes apo te turbullimit duhet të urgjent të dalim ne ajer te paster sa nuk eshte vonë.
