Ministri i Mbrojtjes, Niko Peleshi, ka komentuar deklaratën e ambasadores amerikane Yuri Kim, pas përfundimit të mbledhjes së qeverisë.
Një ditë më parë, ambasadorja bëri thirrje që zgjedhjet për kreun e ri të SPAK të jenë pa manipulime. Në kundërpërgjigje, Peleshi shprehet se mazhoranca është e vendosur t’i shkojë deri në fund, dhe bëri me dije se janë në krah të përsosjes së Reformës në Drejtësi.
“Reforma në Drejtësi nuk ka mbaruar, nuk është një punë që kryhet një herë e mirë, është punë dinamike. Ka gjithmonë sfida dhe problematika për ta përballur.
Siç ishim të vendosur të pa filluar këtë Reformë, do të vazhdojmë ta mbështesim. Çdo ngjarje e pakëndshme apo vëmendje e shtuar për ta imunizuar nga ndikime apo deformime të procesit e shqetëson qeverinë shqiptare dhe ne jemi në krahun e përsosjes së Reformës në Drejtësi, plotësimit të institucioneve me persona me integritet të lartë”.
Diplomatja amerikane Yuri Kim, kërkon një garë të drejtë dhe pa manipulim për procesin e përzgjedhjes së kreut të ri të SPAK.
Ambasadorja amerikane, në një postim në Twitter, thotë se është thelbësore që procesi të tjetër transparent në mënyrë që shefi i ardhshëm i SPAK, të zgjidhet në bazë të kualifikimeve dhe të jetë i aftë e i vendosur që të intensifikoje luftën kundër korrupsionit dhe krimit të organizuar.
